"Azərişıq": "Şuşada 6 yarımstansiyanın tikintisi yekunlaşmaq üzrədir"

SON XƏBƏRLƏR

"Azərişıq": "Şuşada 6 yarımstansiyanın tikintisi yekunlaşmaq üzrədir"

2022.04.14, 18:19

Gunaz.tv

"Şuşa işğaldan azad edildikdən dərhal sonra ölkə prezidentinin tapşırığına uyğun olaraq ötən il yanvarın 7-də şəhər elektrik enerjisi ilə təmin edildi. Növbəti iş tələbata uyğun müasir elektrik şəbəkəsinin qurulması idi. Mövcud şəbəkə əvvəlki vaxtlardan qalma 48 ədəd köhnə transfarmator məntəqəsindən ibarət idi və dairəvi deyildi.

Odur ki, yeni və müasir yarımstansiyaların tikintisinə qərar verildi", - deyə o, qeyd edib.

Bundan başqa, "Azərişıq" rəsmisinin sözlərinə görə, Şuşada yerüstü elektrik xətləri ləğv ediləcək: "Ənənəvi xətlər artıq tarixə qovuşacaq. Çünki şəhərdə elektrik naqilləri beton tunellər vasitəsilə tamamilə yer altına keçirilir. Yeni şəbəkə izolyasiyalı kabellər vasitəsilə çəkilir. Abonentə qədər dayaqdan istifadə olunmayacaq.

Şuşa şəhəri dağlıq ərazidə yerləşdiyinə görə, hava şəraitinin qeyri-sabit olması, şaxtalı keçməsi ənənəvi naqillərdə bəzən qəzalara səbəb olur. Amma bu halda qəza ehtimalı demək olar 0-dır. Bunun şəhərin estetik görünüşü baxımından da üstünlüyü var".

V.Aydınoğlu Şuşadakı rəqəmsal idarəetmə mərkəzi barədə danışıb: "Bu sistem postsovet məkanında ilk dəfədir tətbiq olunur. Rəqəmsal idarəetmə mərkəzi ilə nəinki yüksək gərginlikli xətlər, eyni zamanda vətəndaşın evinə qədər olan elektrik axını nəzarətdə saxlanılır və elektrik enerji təsərrüfatı idarə olunur.

Sayğacı şəbəkədən ayırmaq lazım gəldikdə ora nəzarətçinin getməsinə ehtiyac olmur. Monitor qarşısında oturan operator vasitəsilə sayğac şəbəkədən ayrılır və yaxud şəbəkəyə qoşulur. Eyni zamanda rəqəmsal idarəetmə mərkəzi vasitəsilə biz qəzaları öncədən müəyyənləşdirir, harda nasazlıq varsa, bunu öncədən bilir və qabaqlayıcı tədbir görürük.

Bu mərkəz birbaşa Bakı şəhərinə qoşulub. Yəni mərkəzdən də buranı görmək və idarə etmək mümkündür". (report.az)

GUNAZ.TV

SON XƏBƏRLƏR