İsrailin BMT-dəki nümayəndəsindən İranla bağlı xəbərdarlıq

SON XƏBƏRLƏR

İsrailin BMT-dəki nümayəndəsindən İranla bağlı xəbərdarlıq

2022.04.26, 11:26

Gunaz.tv

Səfir bu ölkənin atom bombası əldə etmək üçün bir neçə həftəyə ehtiyacı olduğunu deyib.

“Hal-hazırda İranın qabaqcıl sentrifuqaları fəaldır və ayətullahlar rejiminin nüvə bombası istehsal etmək üçün kifayət qədər zənginləşdirilmiş urana sahib olmasına cəmi bir neçə həftə qalıb”-deyə, səfir xəbərdarlıq edib.

Qedy edək ki, İsrail hökuməti beynəlxalq ictimaiyyətin İslam Respublikası ilə imzaladığı nüvə sazişinə qarşıdır və danışıqların Tehranın nüvə silahına yiyələnməsinin qarşısını alacaq bir vasitə kimi görmür.
İran hökuməti 2018-ci ildə nüvə proqramını bərpa edib.

Bayden administrasiyası Amerikanın 2015-ci il sazişinə yenidən qoşulmasını Vaşinqtonun milli maraqlarına uyğun hesab edir.

İsrailin BMT-dəki səfirinin xəbərdarlığı ilə eyni vaxtda Amerika prezidenti Co Bayden və İsrailin baş naziri Naftali Bennet telefonda ümumi bölgəsəl və qlobal məsələlər, o cümlədən "İran və onun proksi qruplaşmalarının təhdidləri" barədə danışıblar.
Bennetin ofisindən bildirilib ki, o, Baydenlə Tehranın SEPAH-ı terrorçu qruplar siyahısından çıxarmaq istəyi haqda danışıb.

Bennet İsrailin əsl dostu olan Baydenin İslam İnqilabı Keşikçiləri Korpusunun (SEPAH) terror təşkilatları siyahısından çıxarılmasına icazə verməyəcəyinə əminliyini bildirib.

"İsrail bu məsələ ilə bağlı mövqeyini açıq şəkildə ifadə edib: SEPAH dünyanın ən böyük terror təşkilatıdır", - deyə o əlavə edib.

Cavidan

GUNAZ.TV

SON XƏBƏRLƏR