Əli Xameneinin nəşi hələ də yerüzündə qalıb!

SON XƏBƏRLƏR

Əli Xameneinin nəşi hələ də yerüzündə qalıb!

2026.03.09, 17:51

Əli Xamenei ömrünün son günlərinin çoxunu yeraltında keçirdi!

Gunaz.tv

İranın keçmiş liderinin dəfn mərasiminin keçirilməsi üçün hələ də dəqiq tarix elan olunmadığı bir vaxtda, bu mərasimin gecikməsi sosial şəbəkələrdə ən çox müzakirə olunan mövzulardan birinə çevrilib və istifadəçilər arasında çoxsaylı reaksiyalar və istehzalı paylaşımlar doğurub.

Sosial şəbəkə istifadəçilərinin bir çoxu onun öldürülməsindən bir neçə gün keçdiyini xatırladaraq bu mövzuya istehzalı münasibət bildiriblər və “iyləndi” həştəqini trendə çeviriblər.

Eyni zamanda bəzi istifadəçilər İranda son iki ay ərzində baş verən hadisələrə və sərt repressiyalara istinad edərək bu vəziyyəti “Xameneinin cəzası” kimi qiymətləndiriblər. Onlar yazıblar ki, cari ilin yanvar ayında da bir çox ailə yaxınlarının cəsədlərini təhvil almaq üçün ciddi çətinliklərlə üzləşmişdi.

Cari ilin qanlı yanvar ayında əksəriyyəti gənclər və yeniyetmələrdən ibarət olan 36 mindən çox etirazçı Xameneinin repressiya qüvvələri tərəfindən öldürülüb. Ailələr isə İran hökumətinə böyük məbləğlər ödədikdən sonra belə, günlərlə qara kisələrdə saxlanılan yaxınlarının cəsədlərini tapmaqda çətinlik çəkirdilər.

İran hakimiyyəti qətliamlardan sonra bəzi etirazçıların cəsədlərini günlərlə küçələrdə saxlayaraq insanlar arasında qorxu və vahimə yaratmağa və bu yolla etirazları boğmağa çalışırdı.

İstifadəçilərdən biri bu məsələyə toxunaraq yazıb: “Analarin ahı yerdə qalmadı və Xameneinin parçalanmış cəsədi artıq bir neçə gündür yer üzündə qalıb, eyni gəncləri öldürən repressiya qüvvələri isə onu dəfn etməyə belə cəsarət etmirler.”

İran hakimiyyəti həmçinin etirazçıların cəsədlərini ailələrə təhvil verdikdən sonra onları yaxınlarını gecə vaxtı və səssiz şəkildə dəfn etməyə məcbur edirdi. Lakin internetin yenidən bərpasından sonra dünyaya yayılan videolar göstərdi ki, analar, atalar, bacılar və qardaşlar yaxınlarının məzarları üzərində göz yaşları içində yas tutaraq rəqs edir və minlərlə gənc kədərli izdihamın müşayiəti ilə torpağa tapşırılırdı.

GünAzTV
R.G

GUNAZ.TV

SON XƏBƏRLƏR