Dünya Türkləri küçələrdə... (FOTOSESSİYA).Avropa çempionatında yarımfinala çıxan Türkiyənin qələbəsini dünya türkləri coşquyla qeyd edib

SON XƏBƏRLƏR

Dünya Türkləri küçələrdə... (FOTOSESSİYA).Avropa çempionatında yarımfinala çıxan Türkiyənin qələbəsini dünya türkləri coşquyla qeyd edib

2021.10.20, 07:36

Gunaz.tv

Avropa çempionatında yarımfinala çıxan Türkiyənin qələbəsini dünya türkləri coşquyla qeyd edib

Dünya Türkləri küçələrdə... (FOTOSESSİYA) 11 metrlik zərbələrdən sonra Xorvatiyanı məğlub edən Türkiyənin zəfərini dünya türkləri coşquyla qarşılayıb. Oyun bitən kimi Türkiyə küçələrə axışıb, şəhər mərkəzləri bayram ab-havasına bürünüb. Başda İstanbul, Ankara, İzmir olmaqla bütün Türkiyədə coşqu yaşanıb. Matçın başa çatması ilə İstanbulda Taksim meydanına axın edən vətəndaşlar meydanı bayram yerinə çeviriblər. Millinin qələbəsi şəhərin digər yerlərində də qeyd edilib. Milli matçın başa çatması ilə ankaralılar da küçələrə axışıb. Minlərlə ankaralı, Türk bayraqları ilə Qızılay meydanını doldurub, avtomobillərlə şəhərdə zəfər yürüşü edilib. Türk milli komandasının qələbəsi İzmirdə də geniş qeyd olunub. Avtomobil karvanı ilə hərkət edən tərəfdarlar Türkiyə şüarları səsləndiriblər. Ay ulduzluların qələbəsi digər şəhərlərdə də böyük coşquyla qeyd olunub. Türkiyə millisinin Avro-2008-in 1/4 finalında xorvatlar üzərində tarixi qələbəsi dünyanın bir çox ölkələrində olduğu kimi Azərbaycanda da coşquyla qarşılanıb. Gecə vaxı olmasına baxmayaraq, ölkəmizdə yaşayan Türkiyə vətəndaşları yerli azarkeşlərlə birgə paytaxtın mərkəzi küçələrində sevimli komandanın qələbəsini bayram ediblər.Türkiyə bayraqlarının çoxluğundan Azərbaycan paytaxtı, Ankara yaxud da İstanbulu xatırladıb. Almaniyada yaşayan türklər, başda Berlin olmaqla müxtəlif şəhərlərdə qələbəni bayram ediblər. Parisdə yaşayan türklər oyunun bitməsi ilə məşhur Şanzelize prospektinə axın ediblər. "Türkiyə, Türkiyə" şüarları səsləndirərək ərazini bayram yerinə çeviriblər. Türkiyənin qələbəsi Kosovada da böyük coşquyla qeyd olunub. Paytaxt Priştinada, Prizrendə və türklərin yaşadığı başqa şəhərlərdə də əhali küçələrə axışıb. Türkiyənin zəfəri Kosovada yalnız türklər deyil, albanlar və bosniyalılar tərəfindən də coşquyla qarşılanıb. Türkiyənin yarımfinala yüksəlməsini Vyanadakı türklər xüsusi qeyd edib. Bilet tapa bilmədikləri üçün oyunu şəhərin mərkəzində azarkeşlər üçün ayrılmış yerdə izləyən türklər oyunun başa çatması ilə Vyana küçələrində zəfər dövrəsi vurublar./ANS PRESS/

GUNAZ.TV

SON XƏBƏRLƏR