“Chicago-Magazine” jurnalı Əhməd Obalının siyasi həyatı və mediadakı fəaliyyəti haqda yazı dərc edib

SON XƏBƏRLƏR

“Chicago-Magazine” jurnalı Əhməd Obalının siyasi həyatı və mediadakı fəaliyyəti haqda yazı dərc edib

2021.10.20, 07:36

Gunaz.tv

GünAzTV: Amerikanın məşhur “Chicago-Magazine” jurnalı, Güney Azərbaycan televiziyasının (GünAzTV-nin) banisi və müdiri Əhməd Obalının siyasi həyatı və media üzrə fəaliyyəti barədə özəl və maraqlı bir yazı dərc edib.

Müəllifi, Brayan Smit (Bryan Smith) olan yazının adı “Əhməd Obalının ikili həyatı” (The Double Life of Ahmad Obali) adlanır. Yazıda, Əhməd Obalının Güney Azərbaycanda keçən uşaqlıq dövrü və Amerikaya mühacirət etdikdən sonra onun Çikaqoda media üzrə fəaliyyəti işıqlandırılır. Müəllif, Əhməd Obalının siyasi həyatının müxtəlif mərhələrinə, eləcə də onun media sahəsindəki fəaliyyətinə toxunaraq onu, CNN telekanalının tanınmış müxbiri Anderson Kuper-ə (Anderson Cooper) və Amerika tarixinin ən məşhur jurnalisti Valter Kronkit-ə (Walter Cronkite) bənzədir.

Yazıda, Əhməd Obalının mənzilindən, GünAzTv-nin Çikaqodakı studiyasından, məktəb illərindən, eləcə də Ərdəbil əyalətində dünyaya gəldiyi və boya-başa çatdığı doğma diyarından şəkillərə yer verilib.

Yazıda həmçinin Əhməd Obalının Güney Azərbaycan xalqının milli hüquqları uğrunda müxtəlif dövrlərdə apardığı mübarizəsi, o cümlədən də GünAzTV televiziyasının təsisindən sonrakı fəaliyyəti haqda geniş məlumat verilir, GünAzTV-nin hazırlayıb yaydığı verilişlər və onun Türkiyədə, Şimali Azərbaycanda, Almaniyada və Kanadadakı həmkarlarının fəaliyyəti haqda bilgilər təqdim olunur.

Güney Azərbaycan xalqının siyasi durumu və onun yaşadığı coğrafi şəraitinin şərhi, “Chicago-Magazine” jurnalının toxunduğu digər mühüm mövzulardan biridir.

Qeyd edək ki, “Chicago-Magazine” aylıq jurnalı, Amerika Birləşmiş Ştatlarının, o cümlədən də Amerikanın mərkəzi əyalətlərinin ən mühüm jurnallarından biri sayılır. Bu jurnal, Amerika cəmiyyətinin maarifləndirilməsi uğrunda apardığı fəaliyyətinə görə, 2004-cü ildə Jurnalların Milli Mükafatına layiq görülüb. Brayan Smitin qələmi ilə hazırlanan və “Chicago-Magazine”də dərc edilən bu yazının tam mətninin tərcüməsi yaxın gələcəkdə GünAzTV saytında yayımlanacaq.

Oxucular, həmin yazının tam mətnini ingilis dilində oxumaq üçün aşağıdakı linkə müraciət edə bilərlər:

The Double Life of Ahmad Obali; From the basement of a modest home in Chicago’s far suburbs, an émigré wages a media war against Iran

A.M

GUNAZ.TV

SON XƏBƏRLƏR