Contact Us

SON XƏBƏRLƏR

İranda 5 aydan çoxdur həbsdə saxlanılan azərbaycanlı fəal Həbib Sasaniyanın durumu naməlum olaraq qalır

2021.10.20, 07:36
İranda 5 aydan çoxdur həbsdə saxlanılan azərbaycanlı fəal Həbib Sasaniyanın durumu naməlum olaraq qalır

Gunaz.tv
 GünAzTV: İranda azərbaycanlıların milli-mədəni hüquqları uğrunda apardığı dinc fəaliyyətinə görə 5 aydan çoxdur Təbrizin mərkəzi zindanında saxlanılan dinc fəal, şair Həbib Sasaniyanın (Yakamoz) durumu naməlum olaraq qalır.

Güney Azərbaycan mənbələrinin yaydığı məlumata əsasən, tutulmasından əvvəl heç bir fiziki problemi olmayan Həbib Sasaniyan, həbsdə saxlanıldığı müddətdə müxtəlif fiziki və psixi təzyiq və işgəncələrə məruz qoyulduğuna görə bir neçə xəstəlikdən əziyyət çəkir. Bildirilir ki, 5 ay həbsdə qaldıqdan sonra fəalın hələ də məhkəməsi keçirilməyib və ona konkret nədə günahlandırılması açıqlanmayıb. Qeyd olunur ki, fəalın səhhətinin getdikcə pisləşməsi onun ailə üzvlərinin ciddi narahatlığına səbəb olub.

 Həbib Sasaniyan, bu ilin may ayında (1395-ci il, ordibeheştin 26-da) Ərdəbildə daha 5 azərbaycanlı fəal, Mehdi Cavadzadə, Həmid Səqəfi, Babək Avənd, İsmayıl Əfxəmi və Yunis Rəhimi ilə birlikdə ETTELAAT əməkdaşları tərəfindən tutulub. O, iyunun 8-də ailəsinə zəng vuraraq Təbrizin ETTELAAT idarəsində saxlanılmasından xəbər versə də, az sonra həbs edilən digər fəallarla birlikdə Təbrizin mərkəzi zindanına köçürülüb. Bildirilir ki, Həbib Sasaniyanın durumu naməlum qaldığı bir vaxtda tutulan digər beş fəaldan ikisi, İsmayıl Əfxəmi və Yunis Rəhimi, məhkəmələrinin keçirilməsinə qədər mülki vəsiqə girovu qarşılığında müvəqqəti olaraq azadlığa buraxılıb.

Fəal Həbib Sasaniyan, milli zəmində, o cümlədən də Qarabağ savaşının mahiyyəti və Ermənistanın Azərbaycana qarşı işğalçılıq siyasəti haqda əhali arasında maarifləndirmə fəaliyyəti apardığına görə, bundan əvvəl də bir neçə dəfə tutulub.

 A.M

SEÇİLMİŞ XƏBƏRLƏR

Çox oxunanlar