Contact Us

SON XƏBƏRLƏR

Roma Papası Bakıda səfərdə olub

2021.10.20, 07:36
Roma Papası Bakıda səfərdə olub

Gunaz.tv
GünAz TV: Oktyabrın 2-də Roma Papası Fransiskin Azərbaycanda səfərdə olub.

"İctimai-siyasi quruluşdan asılı olmayaraq bizim diyarımızda həmişə sivilizasiyalar qovuşub, həmişə Azərbaycan Şərqlə Qərb arasında körpü rolunu oynayıb".

"Report" xəbər verir ki, bu sözləri Heydər Əliyev Mərkəzində Roma Papası Fransiskin Azərbaycana səfəri ilə əlaqədar keçirilən mərasimdə çıxışı zamanı Prezident İlham Əliyev bildirib.

"Ötən il Vatikanda görüşərkən, mən sizi Azərbaycana dəvət etdim. Və çox şadam ki, siz dəvəti qəbul edib, bu gün ölkəmizə səfər edirsiniz. Bu səfərin çox böyük mənası var. Bu tarixi bir səfərdir. Bu səfər Vatikan-Azərbaycan əlaqələrinin inkişafına böyük töhfə verəcək. Bu səfər bütün bəşəriyyət üçün önəmlidir. Çünki bu səfər bir də onu göstərir ki, sivilizasiyalararası dialoq yaşayır, davam edir, güclənir və biz çalışırıq ki, bu dialoqa yeni təkan verək. Vatikan-Azərbaycan əlaqələri artıq 24 ildir ki, uğurla inkişaf edir. Qeyd etdiyim kimi, qarşılıqlı yüksək səviyyəli rəsmi səfərlər həyata keçirilib. 2012-ci ildə diplomatik əlaqələrimizin 20 illiyinə həsr olunmuş Vatikan muzeylərində Azərbaycan sərgisi keçirilib. Bu ilk müsəlman ölkəsinin sərgisi idi. 

Bizim əlaqələrimiz eyni zamanda ictimai təşkilatlar tərəfindən dəstəklənir. Və ötən ilin fevralında Cənubi Qafqazın ən böyük Qeyri-Hökumət Təşkilatı olan Heydər Əliyev Fondunun dəstəyi ilə San-Marselino və San-Pyerto katakombalarının əsaslı təmin işlərindən sonra açılışı olub. Bu gözəl hadisə bir də onu göstərir ki, həm bizim ikitərəfli əlaqələrimiz uğurla inkişaf edir, eyni zamanda dinlərarası, mədəniyyətlərarası dialoqun güclənməsi reallıqdır. Azərbaycanda əsrlər boyu büün dinlərin, xalqların nümayəndələri sülh, ləyaqət və mehribanlıq şəraitində yaşayıblar və bu gün də belədir. İctimai-siyasi quruluşdan asılı olmayaraq bizim diyarımızda həmişə sivilizasiyalar qovuşub, həmişə Azərbaycan Şərqlə Qərb arasında körpü rolunu oynayıb", - deyə Azərbaycan Prezidenti bildirib.

Roma Papası Fransisk səfər zamanı Bakıdakı Heydər Məscidini də ziyarət edib.

Qonağı Qafqaz Müsəlmanları İdarəsinin (QMİ) sədri Hacı Allahşükür Paşazadə qarşılayıb.

Daha sonra Papa Fransisk məscidlə tanış olub. Qonağa müqəddəs Qurani Kərim hədiyyə olunub.

Roma Papası və QMİ sədri dindarlar qarşısında çıxış edib. 

N.S

 

 

SEÇİLMİŞ XƏBƏRLƏR

Çox oxunanlar