Contact Us

SON XƏBƏRLƏR

Fars dili Azərbaycana zorla təhmil olunur - Təbrizin millət vəkili

2021.10.20, 07:36
Fars dili Azərbaycana zorla təhmil olunur - Təbrizin millət vəkili

Gunaz.tv

GünAz TV: Güney Azərbaycanın Təbriz şəhərinin İran parlamentindəki millət vəkili Məsud Pezeşkiyan fars dilinin insanlara zorla təhmil olunduğunu deyib.

 

O bu barədə aprelin 19-da Təbriz Tibb Universitetinin təsisinin 70-ci ildönümü münasibəti ilə keçirilən mərasimdə danışıb.

 

“Təbrizdə 750 il il əvvəl Rübb-i Rəşidi Universitetində 7 dildə təhsil alınıb. Lakin indi biz fars dilini zorla insanlara təhmil edirik. Bizim (Azərbaycan) 70 il deyil, 750 ildir universitetimiz var. O zaman 7 dildə öyrənci yetişdirilib bütün dünyaya göndərilirdi”- deyə o sözlərinin bir hissəsində qeyd edib.

 

İran parlamentinin sədr müavini sözlərinin davamında əlavə edib ki, bu gün bu vəziyyətdə olmağımız təəssüf hissi doğurur. 750 il əvvəl Rübb-i Rəşidi Universitetində hakim olan idarəçilik indi yoxdur. Bir neçə dili öyrənmək bir şansdır. Bunun nəticəsində bir çox təcrübə əldə etmək mümkündür. Lakin indi universitetlərdə belə bir imkan yoxdur.”

 

Azərbaycanlı millət vəkili sözlərinin davamında türk olduğu ilə fəxr etdiyini diqqətə çatdıraraq qeyd edib ki, “mən nazirlikdə işlədiyim zaman 3 dildə təhsil verilməsini təklif etdim və bu məsələni gündəmə gətirdim. Lakin məndən sonra o plan unuduldu və bir daha gündəmə gətirilmədi.”

 

Son günlərdə İranda ictimaiyyətin əsas tələblərindən biri olan ana dilində təhsil məsələsi ilə bağlı İran Konstitusiyasının 15-ci maddəsini icrası gündəmə gətirilib. Artıq bir çox azərbaycanlı millət vəkilinin bu məsələnin üzərində işlədiyi bildirilir.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar