Contact Us

SON XƏBƏRLƏR

"Ölkədə allahsızlıq kütləviləşir"-İranlı ideoloq

2023.06.25, 11:31
"Ölkədə allahsızlıq kütləviləşir"-İranlı ideoloq

İranın tanınmış ideoloqlarından biri və islahatçı qanadın əsas stratejistlərindən sayılan Səid Həccariyan İranda insanların inancsızlaşmaları ilə bağlı açıqlama verib.

Gunaz.tv

Bu barədə "Etimad" qəzeti məlumat yayıb.

"Ölkədə allahsızlıq, inancsızlıq artıq kütləvi xarakter almaqdadır. Dindar kəsimə aid ziyalıların məhdud mərkəzlərdə olmalarının əksinə, allahsızlıq xalqın içində geniş yayılmaqdadır",- Həccariyan bildirib.

Qeyd edək ki, bir neçə gün öncə İran Ekspertlər Məclisinin nümayəndəsi Ayətullah Cəfər Sübhani İranda 50 min məscidin istifadəsiz qaldığını deyib.

İranda mollaların hakimiyyətə gəlməsindən bu günə kimi, ölkədə dindar kəsimin sayı kəskin azalıb.

Dindarlığı, məscidlərə getməyi və dini ayinlərdə iştirak etməyi hakimiyyətin yanında olmaq kimi qəbul edən milyonlarla inanclı vətəndaş bundan imtina edib.

Uzun illərdir ki, xüsusilə gündüz saatlarında işçilər və səyyar satıcılar məscidlərdən iş fasiləsi zamanı istirahət və yatmaq yeri kimi istifadə edirlər.

Timur

Açar Sözlər :

SEÇİLMİŞ XƏBƏRLƏR

Çox oxunanlar