Contact Us

SON XƏBƏRLƏR

İran qorxur - Tramp

2025.02.11, 11:26
İran qorxur - Tramp

İran hökuməti çox narahat, qorxur və mümkün hərbi hücumun qarşısını almaq üçün razılaşma axtarır.

Gunaz.tv

Bunu Amerika Prezidenti Donald Tramp "Fax News"' müsahibəsində deyib.

“Düşünürəm ki, İran çox narahatdır və hətta qorxur, çünki onun müdafiə sistemi demək olar ki, məhv edilib. Ola bilsin ki, onlar yeni müdafiə sistemləri əldə etməyə çalışırlar, lakin hələlik onların hava hücumundan müdafiə vasitələri əsasən məhv edilib. İran çox çətin anlar yaşayıb və ağır zərbələrə məruz qalıb”,- o əlavə edib.

Tramp, bir daha bildirib ki, Əli Xamənei və İranın başqa rəsmilərinin açıq müqavimətinə baxmayaraq, bombardman etmək əvəzinə İranla yeni razılaşma əldə etməyə üstünlük verir.

Amerika Prezidenti İranla razılığa gəlməyin mümkün olduğunu söyləyib.

"Ordumuzu yenidən qurduq. Bizim heç kimdə olmayan silahlarımız var. Bizim dəstəyimiz və təsdiqimizlə İsrail İranı güclü şəkildə bombalaya bilər, ancaq mən bunun baş verməməsinə üstünlük verirəm. Mən istərdim ki, İran heç vaxt nüvə silahı əldə etməsin deyə, monitorinq edilən, təftiş edilən və nəticə etibarı ilə təminat verilən bir saziş əldə edilsin”,- o vurğulayıb.

Tramp Obama dövründə Birgə Hərtərəfli Fəaliyyət Planı (BHFB)
 kimi tanınan nüvə sazişini axmaqlıq adlandırıb və deyib: “Bu müqavilə müvəqqəti idi və indi onun müddəti başa çatıb. Əgər bu razılaşma davam etsəydi, İranın bu gün nüvə silahına sahib olmaq üçün qanuni haqqı olacaqdı. Siz bir neçə il belə bir saziş bağlaya və sonra İrandan nüvə silahı axtarmayacağını gözləyə bilməzsiniz”.

Tramp müsahibəsində bir daha vurğulayıb ki, prezidentliyinin ilk dövründə apardığı sanksiya siyasətləri İran hökumətinin maliyyə cəhətdən zəifləməsinə və müflis olmasına səbəb olub.

Co Baydenin siyasətini tənqid edən Donald Tramp deyib ki, İran hökuməti yenidən böyük maliyyə resursları əldə edib.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar