Rubio: İran Şimali Koreyadan daha təhlükəlidir

SON XƏBƏRLƏR

Rubio: İran Şimali Koreyadan daha təhlükəlidir

2026.11.15, 09:00

Gunaz.tv

ABŞ-ın dövlət katibi Marko Rubio Şimali Koreya ilə İranı müqayisə edərək bildirib ki, Şimali Koreya lideri Kim Çen In ekspansionist deyil və onun əsas məqsədi hakimiyyətinin mövcudluğunu qoruyub saxlamaqdır. Bunun əksinə olaraq, İran İslam Respublikası rəhbərlərini “ekspansionist inqilabçılar” adlandırıb.

Rubio cümə günü Vaşinqtonda Amerika Federal Hüquqşünaslar Assosiasiyasının konfransında çıxışı zamanı deyib: “Kim Çen In Yaponiyanı işğal etməkdə maraqlı deyil. O, sadəcə öz rejiminin ayaqda qalmasını istəyir. O, ekspansionist deyil və Yaponiyanı, Çini işğal etmək və ya buna bənzər hər hansı addım atmaq niyyətində deyil.”

O, çıxışının davamında bildirib: “Amma İran rejiminin rəhbərləri ekspansionistdirlər. Onlar inqilabçıdırlar” və soruşub: “Əgər bu şəxslər nüvə silahına sahib olsalar, nə baş verəcək?”

ABŞ-ın dövlət katibi Şimali Koreyada baş verən və “dəhşətli əməllər” adlandırdığı hadisələrə haqq qazandırmaq niyyətində olmadığını vurğulayıb. Bununla belə, onun sözlərinə görə, Kim Çen Inın əsas məqsədi rejiminin mövcudluğunu qorumaqdır və bu, İran rəhbərlərinin yanaşmasından fərqlənir.

Rubio İran İslam Respublikası rəhbərlərini “radikallar” adlandıraraq, onların öz missiyalarını “inqilabı ixrac etmək” hesab etdiklərini deyib.

O, həmçinin İran İslam Respublikasının təsis sənədlərinə istinad edərək bildirib ki, İranın ali rəhbəri özünü yalnız İranın lideri hesab etmir, bütün müsəlmanların lideri olduğunu iddia edir və inqilabı ölkə sərhədlərindən kənara yaymağı öz vəzifəsi sayır.

GunAz TV
R.G

GUNAZ.TV

SON XƏBƏRLƏR