Contact Us

SON XƏBƏRLƏR

Tramp ilk kabinet iclasını keçirdi - Əsas məqamlar

2025.02.27, 12:53
Tramp ilk kabinet iclasını keçirdi - Əsas məqamlar

ABŞ prezidenti Donald Tramp administrasiyasının ilk kabinet iclasında beynəlxalq siyasət və iqtisadiyyatla bağlı vacib açıqlamalar verib.

Gunaz.tv

GünazTV Musavat.com-a istinadən Trampın çıxışından əsas məqamları təqdim edir: 

ABŞ-Rusiya münasibətləri – Tramp ABŞ-ın Rusiya ilə “çox yaxşı” münasibətlər qurduğunu bildirib və Moskva-Kiyev arasında sülh sazişinin bağlanmasının prioritet olduğunu vurğulayıb.

Ukrayna üçün təhlükəsizlik zəmanətləri – Vaşinqton Kiyevə genişmiqyaslı təhlükəsizlik təminatları verməyəcək, bunun Avropa ölkələrinin öhdəsinə buraxılacağı qeyd olunub.

Ukraynanın NATO perspektivi – Trampın sözlərinə görə, Ukrayna artıq NATO-ya üzvlük barədə düşünməməlidir.

Sülhməramlı qüvvələrin yerləşdirilməsi – ABŞ Fransa və Böyük Britaniyanın Ukraynada sülhməramlılar yerləşdirmək təşəbbüsünü dəstəkləyir.

Sülh prosesi – Tramp hesab edir ki, Ukraynada sülhməramlıların yerləşdirilməsi asan məsələdir, lakin müharibəni dayandıracaq sazişin əldə edilməsi daha çətindir.

İqtisadi aspektlər – ABŞ administrasiyası Ukrayna ilə mineral resurslar üzrə razılaşma çərçivəsində Kiyevə ayrılmış bütün vəsaitləri geri qaytaracağını və daha artıq qazanacağını bildirir.

ABŞ-Çin münasibətləri – Tramp administrasiyası Çin və Rusiya ilə "mükəmməl münasibətlər" qurmaq niyyətindədir və qarşılıqlı investisiyaların təşviqinə maraq göstərir, lakin Çinin birtərəfli üstünlük əldə etməsinə icazə verməyəcək.

Ticarət siyasəti – ABŞ Avropa İttifaqının "ədalətsiz məhdudiyyətlərinə" cavab olaraq Avropa mallarına, o cümlədən avtomobillərə 25%-lik gömrük rüsumu tətbiq edəcəyini açıqlayıb.

Rusiyaya qarşı sanksiyalar – Tramp administrasiyası hələlik Rusiyaya qarşı sanksiyaların qaldırılmasını gündəmə gətirmir, çünki ilk növbədə Ukrayna münaqişəsinə son qoyulmalıdır.

Analitiklər düşünür ki, Trampın açıqlamaları ABŞ-ın xarici siyasətində ciddi dəyişikliklərə işarə edir və dünya arenasında yeni geosiyasi dinamikanın formalaşmasına səbəb ola bilər. 

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar