GünazTV "CNN"-ə istinadən xəbər verir ki, əvəzində Prezident Tramp və vitse-prezidenti Ceyms Devid Vens ondan ABŞ-ın illərlə göstərdiyi dəstəyə görə daha çox təşəkkür etməyi tələb etdikdən sonra Volodimir Zelenski dünya mediası qarşısında qeyri-adi rəftar ilə üzləşdi.

Gərginlik Zelenski ilə Vans arasında alovlandı. Başlanğıcda yarım saatlıq səmimi söhbətın ardınca, Vens "sülhə gedən yol bəlkə də diplomatiyadan keçməlidir" açıqlamasını verdi. Bu açıqlamadan sonra Oval Ofisdə gərginlik artmağa başladı.

Zelenski Rusiyanın 2014-cü ildəki Ukraynaya qarşı işğalçı hücumuna toxundu: "O, (Vladimir Putin) 2014-də bizim böyük hissəmizi, Ukraynanın böyük hissəsini, Şərqini, Krımı işğal etdi. Uzun illər ərzində - mən, sadəcə, Bayden haqqında danışmıram – həmin müddətdə Prezident Obama, daha sonra Prezident Tramp, daha sonra Prezident Bayden indi isə yenə Prezident Tramp – allaha şükür ki, indi Tramp onu (Putini) dayandıracaq - Lakin 2014-cü ildən bəri heç kim onu dayandırmadı. O, sadəcə işğal etdi və ələ keçirdi. 2014-cü ildən 2022-ci ilədək vəziyyət eyni qaldı. Təmas xəttində insanlar öldülər. Heç kim onu dayandırmadı. Bilirsinizmi ki, bizim onunla danışıqlarımız var idi. Çox danışıqlarımız var idi. İkitərəfli danışıqlar. Mən 2019-cu ildə yeni prezident olaraq Merkel və Makronla birlikdə atəşkəs imzaladım. Atəşkəs! Biz onunla qaz sazişi imzaladıq. Lakin bundan sonra o, atəşkəsi pozdu, o, bizim insanlarımızı öldürdü, o, əsirləri mübadilə etmədi. Biz əsirlərin mübadiləsi barədə sənəd imzaladıq. Lakin o, bunu etmədi." 

Ardınca Zelenski Devid Vensə müraciət edərək onun hansı diplomatiyadan danışdığını soruşdu: "Devid, sən hansı diplomatiyadan danışırsan? Nə demək istəyirsən?" 

Müzakirə daha sonra nəzərəçarpacaq dərəcədə gərginləşdi, Vens cavab verdi: "ölkənizin məhvinə son verəcək növdə diplomatiya".

Daha sonra vitse-prezident Zelenskini hörmətsizlikdə və Amerika mediası qarşısında vəziyyətlə bağlı “mühakimə yürütməkdə” ittiham edib.

Məhz Vensin Trampın Putinlə kommunikasiyaları açmaq və tez atəşkəs əldə etməyə çalışmaqla müharibəni bitirmək yanaşmasını müdafiə etməsi Ukrayna lideri ilə gərginliyi artırdı.

Tramp müharibəni iki tərəf arasında bir növ ikili müharibə kimi səciyyələndirməyə meyllidir. Lakin Zelenski bu düşüncənin fəlakətli nəticələri barədə xəbərdarlıq etməyə çalışırdı. O "Rusiyanı sakitləşdir, müharibə sənin başına gələcək" deməyə çalışırdı. Bu açıqlama, müzakirə zamanı Trampın ən böyük reaksiyasına səbəb oldu. "Bizə nə hiss edəcəyimizi söyləmə. Sən bunu diktə edəcək vəziyyətdə deyilsən" səsini yüksəldərək və Zelenskiyə işarə edərək cavab verdi.

Ş.E