İran hücumdan əvvəl bizdən icazə aldı

SON XƏBƏRLƏR

İran hücumdan əvvəl bizdən icazə aldı - Tramp

2025.07.04, 10:13

İranın nüvə obyektləri tamamilə dağıdılıb və buna cavab olaraq Tehran hücuma 14 raketlə cavab vermək istədiyini Amerikaya çatdırıb və bu raketlərin evakuasiya edilmiş Qətər bazasına atılmasına razılıq verilib.

Gunaz.tv

Bunu Amerika Prezidenti Donald Tramp deyib.

"İranın nüvə zənginləşdirilməsi məhv edilib. CNN nüvə obyekti "bir az zədələnib" və ya "bəlkə də çox zədələnib" deyirdi, amma indi onun həqiqətən məhv olduğu sübut olunub",- o əlavə edib.

Tramp İranın hücuma cavab olaraq Amerika ilə əlaqə saxladığını və Amerika mövqelərini atəşə tutmaq istədiyi barədə razılıq aldıqdan sonra buna əl atdığını bildirib.

"İran özünü çox hörmətli apardı, bu o deməkdir ki, bizə hörmət edirlər. İran dedi ki, sizə 14 dəfə atəş açacağıq, mən onları başa düşdüyümü və öz işlərini görmələrini söylədim",- Amerika Prezidenti deyib.

Tramp hətta İran tərəfinin hücumun hansı saatda keçirilməsi ilə bağlı da Amerikanın razılığını aldığını söyləyib:

"İran haranı hədəf alacağını soruşdu, biz Qətər bazasını boşaltdığımızı dedik. İran saat 1-in hücum üçün uyğun olub-olmadığını soruşdu? Mən dedim ki, problem yoxdur, kecikdirə də bilərik. İran hücuma hazır olduğunu elan edəndə isə həyəcanlı idilər".

Onun sözlərinə görə, Birləşmiş Ştatlar Qətər bazasına buraxılan İran raketlərini cəmi dörd topçu ilə məhv edib.

GünazTV

GUNAZ.TV

SON XƏBƏRLƏR