İranda “Axır çərşənbə” şənliklərində baş verən olaylarda 4 nəfər həyatını itirib, 2082 nəfər yaralanıb

SON XƏBƏRLƏR

İranda “Axır çərşənbə” şənliklərində baş verən olaylarda 4 nəfər həyatını itirib, 2082 nəfər yaralanıb - FOTOLAR

2021.10.20, 07:36

Gunaz.tv

GünAzTV: Martın 13-də paytaxt Tehranda və İranın digər şəhərlərində keçirilən “Axır çərşənbə” şənliklərində baş verən olaylarda 4 nəfər həyatını itirib, 2082 nəfər yaralanıb.

Əhalinin ölümünə və yaralanmasına, uşaqların və gənclərin əldəqayrma, qeyri-standart taraqqa və alovlandırıcı maddələrdən istifadəsi səbəb olub. Ölüm hallarının ikisi Tehranda, 1-i Zəncanda, 1-i isə Kərəcdə baş verib. Müxtəlif dərəcəli bədən xəsarəti alanlar xəstəxanalara yerləşdirilib. Tehran polisinin bildirdiyinə görə, həmin gün, təkcə paytaxtda 160 yanğın hadisəsi qeydə alınıb.

Tehran Tibbi Yardım Mərkəzinin sözçüsü Muctaba Xalidi martın 13-də jurnalistlərə açıqlamasında deyib ki, “Axır çərşənbə” mərasimində yaralananların 33 faizi göz nahiyyəsindən xəsarət alıb: “Xəsarət alanların 65 faizini 9-18 yaş arası uşaqlar və yeniyetmələrdir. Hadisədə xəsarət alanlardan bəziləri əl və ya qolunu itirib. Həmçinin Tehranda 15 yaşlı bir yeniyetmə, alovlandırıcı maddəni partladarkən 3 barmağını itirib.

Tehranın polis rəsmiləri qeyri-standart, əldəqayırma partlayıcı maddələrdən istifadə edən 8 nəfərin həbs edildiyini bəyan edib.

Qeyd edək ki, İranın hökumət rəsmiləri “Axır çərşənbə” mərasiminin keçirilməsinin qarşısını almağa çalısalar da, buna nail ola bilmirlər. Rejim, hər il, təhlükəsiz və standartlara uyğun taraqqaların ölkəyə idxalının qarşısını aldığı üçün, uşaqlar və yeniyetmələr əldəqayırma qeyri-standart taraqqa və partlayıcı maddələrdən istifadə etmək məcburiyyətində qalırlar. Bunun da nəticəsi, hər il “Axır çərşənbə” şənliklərində yüzlərlə insanın ölümünə və ya yaranmasına gətirib çıxarır.