Contact Us

SON XƏBƏRLƏR

ABŞ Dövlət Katibinin keçmiş köməkçisi: Uyğur Türk məsələsi millətlər tərəfindən qəbul edilməlidir.+video

2021.10.20, 07:36
ABŞ Dövlət Katibinin keçmiş köməkçisi: Uyğur Türk məsələsi millətlər tərəfindən qəbul edilməlidir.+video

Gunaz.tv

ABŞ Dövlət Katibinin keçmiş köməkçisi: Uyğur Türk məsələsi millətlər tərəfindən qəbul edilməlidir.

 

Obama administrasiyası dövründə Birləşmiş Ştatlar dövlət katibinin Şərqi Asiya və Sakit Okean İşləri üzrə keçmiş köməkçisi doktor Kurt Kampbell, Hudson İnstitutunda Amerikanın xarici siyasətini və dünyadakı rolunu müzakirə etdi. Kampbell, Çin, Hind-Sakit okean bölgəsindəki Amerikanın daha geniş strategiyası və ABŞ-ın dünyadakı digər problemləri ilə bağlı fikirlərini açıqladı. 

Kampbell koronavirusun nə zaman azalacağının bəlli  olmadığını vurğulayaraq dedi ki, qocalar evinin sakinləri bu epidemiyaya xüsusilə həssasdır.Kampbell koronavirusun təsirləri haqda dedi ki önümüzdəki aylarda təkcə Çinin iqtisadiyyatının deyil, dünya iqtisadiyyatının da yavaşlaması gözlənilir. 

Kampbellə görə, Soyuq Müharibədən bəri dünya üç böyük böhran keçirib: birincisi 11 Sentyabr, ikincisi 2007-2008-2009 qlobal maliyyə böhranı və Koronavirus üçüncüsü ola bilər.

Kurt Kampbell ABŞ-ın Avropanın və Yaxın Şərqin də daxil olduğu dünyanın digər bölgələri ilə məşğul olduğundan və bu günə qədər Çinə etinasız yanaşmasından narahatlığını bildirdi. Lakin ona görə, Çin gələcəkdə ABŞ üçün strateji və hərbi baxımdan ən böyük problem olacaq. Son 50 ildə Amerikanın ən böyük uğurunun Asiyada olduğunu söyləyən Kurt Kampbell, hazırkı ABŞ prezidentinin Yaponiya və Cənubi Koreya kimi ölkələrin ABŞ-ı istismar etməsi fikrini təkrarlamaqla bu nailiyyətə zərər verdiyini söylədi.

Günaz TV-nin ABŞ-ın və azad dünyanın Çinin Uyğur Türklərinə qarşı zülmünü və kollektiv həbsini dayandırması üçün nə edə biləcəyi ilə bağlı sualına cavabında Kampbell dedi ki,   dövlət katibi Pompeonun dediyi bəzi ifadələrin cəsarətli olduğuna inanır. O, Uyğur Türkləri  mövzularında açıq danışdı.

 "Əsas odur ki, bunu Amerikanın əks-strategiyasının bir elementi kimi görmək mümkün deyil. Uyğur Türkləri mövzuları daha böyük bir strategiyanın bir hissəsi olmalıdır. Beləliklə, burada danışmağımız ancaq başqa yerlərdə danışmamağımız problemlidir. Beləliklə, Çin və Səudiyyə Ərəbistanı arasındakı ziddiyyət xeyli aydın və net bir şəkildə ortaya çıxır. Mən bundan bir az narahatam ”.

Doktor Kurt Kampbell əlavə etdi: "Nəticənin təsirli olması üçün, Uyğur Türkü məsələsi daha geniş ortaya qoyulmalıdır. Uyğur Türkləri məsələsi Çinlə aparılan bütün danışıqlarda mövzu olmalıdır.”

 

Əhməd Haşimi,Günaz TV, Vaşinqton.

 

March.04.2020 ABŞ Dövlət Katibinin keçmiş köməkçisi: Uyğur Türk məsələsi millətlər tərəfindən qəbul

 

 

SEÇİLMİŞ XƏBƏRLƏR

Çox oxunanlar