GünazTV March.20.2020: ABŞ İran neftinin alınması ilə bağlı beş şirkəti qara siyahıya salıb

SON XƏBƏRLƏR

GünazTV March.20.2020: ABŞ İran neftinin alınması ilə bağlı beş şirkəti qara siyahıya salıb

2021.10.20, 07:36

Gunaz.tv

ABŞ İran neftinin alınması ilə bağlı beş şirkəti qara siyahıya salıb

Cümə axşamı ABŞ, Birləşmiş Ərəb Əmirliklərində yerləşən beş şirkətə qarşı sanksiya tətbiq etdi. Vaşinqton bu şirkətləri 2019-cu ildə İrandan yüz minlərlə metrik ton neft məhsulları almaqda ittiham edib.

Amerika Birləşmiş Ştatları Maliyyə Nazirliyi açıqlamasında qara siyahıya alınan qurumların bu şirkətlər olduğunu bildirdi: Petro Grand FZE, Alphabet International DMCC, Swissol Trade DMCC, Alam Althrwa General Trading LLC və Alwaneo LLC Co.

Maliyyə Nazirliyinin açıqlamasına görə, bu şirkətlər 2019-cu ildə Milli İran Neft Şirkətindən aldıqları neft məhsullarını Birləşmiş Ərəb Əmirliklərinə çatdırmaq üçün qara siyahıya alınblar.

Bu elan Çin və Cənubi Afrika şirkətlərini İran neft ticarəti ilə əlaqədar qara siyahıya əlavə etdikdən sonra verilib. Bu addım Vaşinqtonun Tehranın öz neftini ixrac etmək imkanlarını azaltmaq səylərini asanlaşdırmayacağının daha bir göstəricisidir. Bir neçə gün əvvəl Çin, ABŞ-ın İrana qarşı koronavirus xəstəliyi səbəbiylə sanksiyalardan imtina etməsi ilə bağlı müraciət etmişdi.

ABŞ-ın "maksimum təzyiq" kampaniyası, 2018-ci ildə prezident Donald Trump-ın 2015-ci ildə imzalanan İran nüvə sazişindən çıxmasından sonra başladı. Trump Administrasiyası, İranı nüvə və raket proqramlarını məhdudlaşdırmağa məcbur etmək və Həmas və Hizbullah kimi terror təşkilatlarına dəstək olmağı və zərərli regional fəaliyyətlərini dayandırmaq məqsədi daşıyır.

Bu təzə sanksiyalar ABŞ-dakı bu beş şirkətin bütün aktivlərini donduracaq və ümumiyyətlə amerikalıların onlarla işləmələrini qadağan edəcək. Bu mövzu ilə əlaqədar, Birləşmiş Ştatlar Maliyyə Katibi Steven Mnuchin yazılı bir açıqlamada belə dedi: "İran rejimi neft və neft-kimya satışlarınd

ABŞ İran neftinin alınması ilə bağlı beş şirkət...

an əldə edilən gəlirdən xalqının sağlamlığı və rifahı əvəzinə terrorçu qruplarını maliyyələşdirmək üçün istifadə edir."

Nüvə anlaşmasından sonra İranın 100-150 milyard dollar arasında dondurulmuş pulu sərbəst buraxıldı, ancaq İran xalqı və iqtisadiyyatı bu puldan faydalanmadı. Bu nüvə sazişindən əldə edilən puldan yalnız İran rejiminin vəkil qrupları və İslam İnqilabı Keşikçiləri Korpusu və Quds qüvvəsi faydalandı.

Əhməd Haşimi, Günaz TV-nin Vaşinqton bürosu

GUNAZ.TV

SON XƏBƏRLƏR