Contact Us

SON XƏBƏRLƏR

GünazTV April.01.2020: Pompeo: ABŞ koronavirus səbəbiylə İran sanksiyalarını yenidən nəzərdən keçirə bilər.

2021.10.20, 07:36
GünazTV April.01.2020: Pompeo: ABŞ koronavirus səbəbiylə İran sanksiyalarını yenidən nəzərdən keçirə bilər.

Gunaz.tv

Pompeo: ABŞ koronavirus səbəbiylə İran sanksiyalarını yenidən nəzərdən keçirə bilər

Amerika Birləşmiş Əyalətlərinin dövlət katibi Mayk Pompeo çərşənbə axşamı keçirdiyi mətbuat konfransında Amerikanın İran və digər ölkələrə koronavirus epidemiyası ilə mübarizədə kömək etmək hədəfiylə təhrim və sanksiyaların yüngülləşdirilməsini ehtimal etdi.

Pompeo jurnalistlərə açıqlamasında Vaşinqtonun təhrim və sanksiyaların azaldılması ilə bağlı mövqeyini yenidən nəzərdən keçirə biləcəyinə dair bir sualı belə cavablandırdı:

“Əlbəttə, biz bütün siyasətlərimizi daim qiymətləndiririk. Biz daim siyasətlərimizin düzgün olduğundan əmin olmağa çalışırıq. İnsani və humanitar yardımlar, tibbi araclar, təchizatlar, əczaçılıq materialları, insanların bu çətin vaxtlarda ehtiyac duyduğu şeylərə gəldikdə, bu əşyalar heç bir zaman heç bir yerdə təhrimə tabe deyillər.

Pompeo, başqa bir sualın cavabında koronavirus böhranı dövründə hələ də xaricdə olan Amerikanın bütün vətəndaşlarını evə gəlməyə çağıraraq belə dedi: “Xaricdən vətənə qayıtmaq istəyən amerikalılar dərhal bunu etməli və buna nail olmaq üçün tədbirlər görməlidirlər.”

O, əlavə etdi ki, Dövlət Departamenti 50-dən çox ölkədən 25 min amerikalını qaytardıbdır. Dövlət Departamenti bundan əvvəl də xaricdə məhsur qalan 9 min Amerikalını ölkəyə geri gətirmişdi.

Amerikanın Dövlət Katibi bəzi ölkələrdə xalq ac qalırkən hökumətləri bomba və raket və nüvə programlarəyla uğraşdıqlarını söyləyərək dedi bu hökumətlər xalqlarını doyurmaq üçün pullarının olmadığını iddia edirlər.

Pompeo əlavə etdi:

“Deyəcəyim son şey budur ki, baxmayaraq ki bu insani yardımların heç birini təhrim etməmişik heç bir qlobal qurum da insani yardım üçün təhrim uyqulamayıb. Amerika Birləşmiş Əyalətləri bu ölkələrin hər birində yardım göndərmək üçün çalışıb. Şimali Koreyaya kömək etməyə çalışdıq. İrana yardım etməyi təklif etdik.”

Xatırladaq ki, keçmişdə İran Amerikanın koronavirusa qarşı mübarizədə yardım təklifini rədd etmiş və Tehran, COVID-19 ilə mübarizədə kömək etmək üçün İranda olan Sərhədsiz Həkimlər kimi beynəlxalq təşkilatların üzvlərini qovmuşdur.

 

Əhməd Haşimi, Günaz TV-nin Vaşinqton bürosu

SEÇİLMİŞ XƏBƏRLƏR

Çox oxunanlar