Contact Us

SON XƏBƏRLƏR

İranda xüsusi polis qüvvələri oturaq aksiya keçirən əkinçilərə hücum etdi: Narazı isfahanlıların çadırları yandırıldı – FOTOLAR, VİDEO

2021.11.25, 12:38
İranda xüsusi polis qüvvələri oturaq aksiya keçirən əkinçilərə hücum etdi: Narazı isfahanlıların çadırları yandırıldı – FOTOLAR, VİDEO

Gunaz.tv

Yayılan məlumata görə, havaların soyuq keçməsinə baxmayaraq, qurumuş Zayəndə çayının ətrafında çadırlar quran və rejimə qarşı dinc oturaq aksiyası keçirən əkinçilər bu gün səər saatlarında silahlı və əli dəyənəkli polis qüvvələrinin hücumuna məruz qalıb.

Sosial şəbəkələrdə yayılan məlumatlara görə, polis qüvvələri səhər tezdən gün çıxmamışdan əvvəl əkinçilərin çadırlarına hücum çəkib və onları vəhşicəsinə döydükdən sonra çadırlarını yandırıblar. 
Polisin əkinçilərə hücum etdiyini eşdən İsfahan sakinləri Zayəndərud çayına gələrək əkinçilərin dinc oturaq aksiyasına dəstək verərək, polislərin onlara qarşı zorakılığına etiraz bildiriblər. 

Yaılan məlumata əsasən, bir neçə yerdə əkinçilər və onlara dəstək verən şəhər əhalisi ilə polis qüvvələri arasında qarşıdurma yaranıb, polis etirazçılara dağıtmaq üçün havaya güllə atıb. 

Polis qüvvələrinin əkinçilərin çadırlarda keçirdiyi dinc oturaq aksiyasına qarşı hücumun detalları və mümkün həbslər barədə hələlik hər hansı bir məlumat yayılmayıb. 

Xatırladaq ki, noyabrın 19-da İsfahan şəhərində yüz minlərlə əkinçi hökumətin tarixi Zayəndərud çayını qurutmasına qarşı etiraz mitinqi keçirib.

Zayəndərud çayının yanındakı Xacu körpüsünün ətrafında keçirilən möhtəşəm kütləvi etirazlara ətraf kənd və bölgələrinin sakinləri ilə yanaşı İsfahan şəhərinin əhalisi də qatılıb.

Mitinqdə rejimə qarşı şüarlar səsləndirilib, hökumətin bölgədə susuzluğa gətirib çıxaran yarıtmaz və səriştəsiz siyasəti qınanılıb.

1.jpg

2.jpg

3.jpg

4.jpg

5.jpg

VİDEOLAR:

A.M

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar